Tungod sa kapakyasan nga maaresto si Kingdom of Jesus Christ (KOJC) founder Apollo Quiboloy og lima nga uban pa, anaa sa 15 pulis usab ang gipalagpot sa puwesto sa Philippine National Police (PNP).
Si Quiboloy ug lima nga uban pa nag-atubang sa kasong child abuse and qualified trafficking.
Matud ni PNP chief Gen. Rommel Francisco Marbil, milutaw sa ilang gipahigayong imbestigasyon nga tulo ka police commissioned officers og 12 ka police non-commissioned officers ang gikasuhan og administratibo.
Hinuon gipaklaro ni Marbil nga gipalagpot ang mga pulis tungod sa kapakyasan nga madakpan si Quiboloy og dili sa unsa man nga kaso.
Gimandoan usab ni Marbil ang PNP Internal Affairs Service nga magpahigayon og imbestigasyon kung migamit og sobra ng kusog ang mga pulis dihang gipahigayon ang operasyon sa compound ni Quiboloy sa Davao kaniadtong Hunyo.
