Mibuhos ang mensahe sa simpatiya gikan sa show business human mitaliwan na ang 85-anyos ang beterana nga Filipina film producer og businesswoman nga si Lily Monteverde ukon mas naila nga si Mother Lily.
Kini ang gikumpirma sa iyang anak nga si UP Fighting Maroons head coach Goldwin Monteverde.
Sa statement sa pamilya, gibutyag nga napalibutan siya sa iyang mga anak og kaapuhan sa iyang katapusan nga inoras dinhi sa kalibutan kung asa nahatagan pa kini og tyansa nga makapanamilit sa iyang suod nga mga higala og ka-trabaho una kini abawian sa kinabuhi.
“Mother Lily was surrounded by her children and grandchildren in her final hours. She was blessed with the chance to say goodbye to her closest friends and associates who bid her farewell yesterday before she left for that trip back home to the Divine Father,” kabahin sa statement.
“The family is at peace now that their mother has not only found rest but has joined their father Remy in that place called eternity – as they were together in life as they will remain together where there is no space or time.”
“The Monteverde family are requesting for your prayers and to cherish the memory of Mother Lily not only as a face of cinema but as a loving mother who she truly was … and will always be forever.”
Nailhan si Mother Lily nga matriarch sa film production company nga Regal Entertainment nga nailhan sa mga pelikula sama sa “Scorpio Nights,” “Shake, Rattle, & Roll,” “Relasyon,” “Mano Po,” ug daghan pa.
Nakatabang siya nga mapasikat ang karera sa “Regal Babies” sama nilang Alma Moreno, Gabby Concepcion, William and Albert Martinez, Snooky Serna, Dina Bonnevie, Ruffa Gutierrez, og Diamond Star Maricel Soriano.
Si Mother Lily ang kasado kay Remy Monteverde nga napatay kaniadtong Hulyo 29 ukon pipila ka adlaw una siya ang mitaliwan usab.
