Miusbaw og 6% sa second kwarter karong tuiga ang ekonomiya sa Pilipinas base sa record sa National Economic and Development Authority (NEDA).
Matod ni NEDA Secretary Arsenio Balisacan kini subay sa 6-7% gross domestic product (GDP) growth target sa administrasyon karong tuiga.
Sa unang first quarter, ang economy misaka og 5.7 percent, mas hinay og 6.4 percent expansion sa susamang panahon sa miaging tuig, apan mas paspas og 5.5 percent growth sa fourth quarter sa 2023.
Matud ni Balisacan nga ang pagsaka sa ekonomiya sa second quarter gumikan sa remittances gikan sa overseas Filipinos.
Sa ulahing datos sa Bangko Sentral ng Pilipinas ang personal remittances sa overseas Filipinos miusbaw og 3.7 percent kun $2.88 billion sa Mayo gikan sa $2.78 billion sa samang bulan sa miaging tuig.
