-- ADVERTISEMENT --
Nagtuo si Senador Migz Zubiri nga ang pagsulbad sa inflation rate usa lamang ka butang nga angay tutukan sa Presidente kung gusto niya nga ang Pilipinas mahimong bahin sa upper-middle-income nga ekonomiya sa 2028.
Nunot niini, nanghinaot ang senador nga matuki unya sa State of the Nation Address (SONA) ni Presidente Ferdinand Marcos Jr. mahitungod niini.
Matod niya nga ang pagbuhat niini makatabang gyud sa matag hut-ong nga Pilipino ilabi na nga motaas ang presyo sa mga palaliton sama sa bugas karong adlawa.
Samtang, gawas niini, gipaabot usab sa senador nga tukion sa Presidente sa iyang SONA ang pagpasaka sa inadlaw nga sweldo ug pagdili sa Philippine Offshore Gaming Operator (POGO) sa nasud.
