Dili dakpon sa mga local law enforcers ang bisan kinsa nga madakpan nga mag sunog ug mga effigies sa Lunes, Hulyo 22, adlaw sa ikatulong State of the Nation Address (SONA) ni President Ferdinand Marcos Jr.
Mao kini ang gibutyag ni Quezon City Mayor Joy Belmonte dungan sa pagkutlo sa National Law Number 880 o “The Public Assembly Act of 1985” nga nag-ingon nga gidili ang “malicious burning” sa bisan unsang butang sa kalsada sulod sa 100 metros gikan sa lugar nga public assembly.
Si Belmonte nihatag na og permit sa mga pro-government ug anti-government groups nga moprotesta ug kontra-protesta sa adlaw sa SONA.
Ang grupo nga kontra-gobyerno magpahigayon sa ilang protesta duol sa Diliman Doctors Hospital sa Commonwealth Avenue.
Sa laing bahin, ang pro-government group mopahigayon sa ilang kalihokan duol sa Sandiganbayan, sa daplin usab sa Commonwealth Avenue.
Matud pa sa Mayor, dili mahimo ang pagpahigayon og rally kung walay rally permit.
