Gimandoan ang Senate Committee on Women, Children, Family Relations and Gender Equality nga gipangulohan ni Senador Risa Hontiveros sa pagkomento sa petisyon ni suspended Bamban, Tarlac Mayor Alice Guo nga naghangyo nga babagan ang iyang subpoena aron makatambong sa imbestigasyon niini.
Giimbestigahan sa komite nga gipangulohan ni Sen. Risa ang kwestyonableng pagkatawo ni Guo ug ang iyang pagkalambigit sa ilegal nga kalihokan sa Philippine Offshore Gaming Operators (POGOs).
Gibutyag ni Camile Ting, ang tigpamaba sa SC nga gihatagan og 10 ka adlaw ang Senate panel sa pagtubag sa petition for certiorari ug temporary restraining order ni Guo nga gisang-at sa iyang mga abogado sa miaging semana.
Ang usa ka petition for certiorari nag-apela sa pagsusi sa usa ka higher court sa nahimong desisyon sa usa ka lower court.
Ang petition for certiorari naglakip usab sa hangyo alang sa pag-isyu og temporary restraining order gikan sa pagpatuman sa subpoena ug sa pag-tap kang Guo isip resource person sa mga hearing sa Senate panel ni Sen. Hontiveros may kalambigitan sa gi-raid nga POGO hub nga nalambigit sa ilegal nga operasyon sa Bamban.
