Nimando sa pagsira ang Philippine amusement and gaming corporation sa kapin sa 7,700 ka mga ilegal nga online gaming websites sa nasud.
Matod ni PAGCOR Chairman Alejandro Tengco, sukad siya nilingkod sa katungdanan, niabot na sa 7,747 ka mga illegal operators sa online games ang ilang na-report ngadto sa mga hingtungdan nga awtoridad.
Giingon usab sa ahensya nga ilang gibantayan ang tanan nga mga ilegal nga online gaming sites sa nasud sukad pa kaniadtong 2022.
Lakip sa ilang gitutokan mao ang e-cocktails, Facebook ads, mobile applications, offshore sites.
Gikan sa kapin sa 7k nga ilegal nga sugal online, 5,793 o 74.78 ang permanenteng na-block.
Mokabat sa 1,954 ka mga iligal nga online gaming websites nagpabiling aktibo ug nagpadayon sa pag-operate.
