Dili motambong si Bise Presidente Sara Duterte sa ikatulong State of the Nation Address (SONA) ni Pang. Ferdinand Marcos Jr.
Sa pakighinabi sa bise presidente sa Davao City, niinsister kini nga dili siya motambong ug niingon nga iyang gitudlo ang iyang kaugalingon isip ‘designated survivor’.
“No, I will not attend the SONA. I am appointing myself as the designated survivor”
Vice President Sara Duterte
Ang designated survivor kay ang usa ka indibiduwal nga sagad itudlo sa presidente nga dili motambong ug motan-aw sa SONA aron siya maoy mangulo kon adunay dakong katalagman o ‘catastrophic incident’ nga maoy hinungdan sa kamatayon o uban pang pisikal nga pagkaluya sa mga tawo. mga opisyal sa nasud nga anaa sa linya sa succession.
Mao kini ang unang higayon nga dili motambong ang bise presidente sa SONA ni PBBM nga iyang tandem sa 2022 elections.
Samtang, ang mga kanhi bise presidente sa nasud nikompirmar na nga dili sila motambong sa ikatulong SONA ni Marcos.
Kini naglakip nila Leni Robredo, Jejomar Binay, ug Noli de Castro.
Sa pagkakaron, wala pa makompirmar ni kanhi PRRD kon motambong ba siya sa reporting sa lungsod ni Pang. Marcos apan kaniadto wala siya makatambong sa 2023 SONA.
Kahinumduman nga na isyu ang pagkabungkag sa UniTeam nga giumol ni VP Sara ug PBBM atol sa campaign period sa 2022 elections, nunot sa pagkabulag ni VP Sara sa Gabinete sa PBBM (DepEd Secretary ug Vice Chair sa NTF-ELCAC).
Wala usab mokuyog si VP Sara kang Pang. Marcos sa bag-ohay lang nga Opening Ceremony sa Palarong Pambansa 2024, bisan og naa sa Sugbo ang duha.
