Unsa ang himuon nimo aron ipakita sa imong pinalangga nga ginahinulsulan nimo ang imong pagpangluib kaniya ug tanan nga sala nga imo nabuhat?
Kaya ba nimo nga himuon ang gibuhat sa usa ka lalaki human nga kini ang nagpa-tattoo sa listahan sa iyang mga nahimo nga sala lakip na ang pagpanunto.
Si Jose Torres sa nasod Spain ang hilabihan nga gibiaybiay, ginapakamalaut ug ginakataw-an sa mga tawo human nga ang hulagway niya ang mikatag sa internet diin makita nila ang listahan sa iyang mga krimen nga nahimo batok kaniya.
Ang nasangpit nga tattoo gilakip sa iyang mensahe sa maong bana, sa iyang tibuok pangalan, petsa, ug sa makauulaw nga listahan sa mga butang nga iyang nabuhat ngadto sa iyang asawa nga mitabon gayod sa tibuok niyang dughan hangtod sa iyang pusod.
Ang gibuhat ni Torres gituyo aron ipakita kung unsa siya ka sinsero sa pagpangayo og pasaylo sa tanan nga mga kasakit nga iyang nahatag sa iyang asawa ug aron mabalik ang pagsalig niini kaniya.
