Mupainit samot sa relasyon sa Beijing ug Manila ang pagmagahi sa China nga bayaran ang P60-million nga demand sa Armed Forces of the Philippines (AFP) sa danyos sa komprontasyon nga nahitabo kaniadtong Hunyo 17 sa Ayungin shoal.
Sumala pa kang Prof. Jay Batongbacal, director sa University of the Philippines Institute of Maritime Affairs and Law of the Sea nga dili angayan hunungon sa Manila ang demand niini sa Beijing.
Kini human sa Bilateral Consultation Mechanism on the South China Sea nakalabay nga semana aron resolbahon ang maritime disputes ug nakasabutan ang de-escalation sa tensions.
Kini human gibalibaran sa China ang gipangayu sa AFP ug kinahanglan nga atubangon sa Manila ang epekto sa gihimo niini sumala kang Chinese Foreign Ministry spokesperson Mao Ning sa usa ka briefing.
Nahimong bayolente ang panag abut sa mga sundalo sa Pilipinas ug China sa West Philippine Sea tungod sa resupply mission sa BRP Sierra Madre sa Ayungin shoal nga gi intercept sa China Coast Guard.
Lakip gi demand sa armed forces of the Philipines nga ibalik ang pito ka pusil nga gi confiscate sa CCG.
