Gikompirmar sa abogado sa pamilya ni Geneva Lopez nga gi-cremate ang mga patayng lawas sa Kapampangan beauty queen kagahapon, Sabado sa gabii, nga napalgang patay sa hilit nga quarry site sa Capas, Tarlac.
Hunyo 21 sa dihang gikataho nga nawala ang beauty queen uban sa iyang Israeli nga fiancé nga si Yitzhak Cohen. Ang lubong sa dalaga anaa sa lungsod sa Lopez sa Pampanga.
Samtang base sa autopsy nga gihimo, nasuta nga si Lopez ug ang uyab niini nakaangkon og mga samad sa bala.
Matod ni NBI Director Jaime Santiago, base sa ilang imbestigasyon, nakaangkon og duha ka samad pinusilan si Lopez diin gipusil kini sa buko-buko ug migawas ang bala sa iyang dughan ug paa.
Samtang ang iyang uyab nga Israeli nakadawat og duha ka bala sa dughan.
Ang bala nga nakit-an sa lawas sa beauty queen nga si Lopez gipaubos sa ballistic examination.
Ang SOCO nagpahigayon usab og DNA testing aron masiguro ang pagkatawo sa mga lawas nga nakit-an.
Sa laing bahin, duha ka suspek ang gitanggong sa PNP-CIDG ug base sa inisyal nga imbestigasyon posibleng away sa yuta ang motibo sa krimen.
