Baynte ka tuig na nga gigamit sa usa ka tigulang sa Xiangyang, Hubei Province isip pang dok-dok og lansang, pangbuak sa mga nuts, ug usahay panglata sa mga sili ang nakita niini sa iyahang uma nga metal lump kansa adunay kahoy nga gunitanan.
Ang maong metal lump, nasuta sa mga kapulisan nga usa diay ka granada.
Kini human nanawag gilayon ug demolition team – kansa nakatoka nga moguba unta sa balay ni Lola Qin–sa mga kapulisan nga duna matud pa silay nakitang granada sa balay sa maong tigulang.
Saysay ni Qin nga wala gayud siyay alamag nga granada diay ang 20 ka tuig na niyang ginagamit isip pangdokdok sa bisan unsa mang mahunahunaan niining dokdokon.
Sigon sa mga kapulisan nga giguba na nila ang nasangpit nga granada.
Alayon niini, swerte lamang gayud matud pa si Lola Qin tungod kay kung nabunlot pa sa maong tigulang ang fuse sa iyahang ‘martilyo’, impas gayud ang kinabuhi niini.
Gikumporma usab sa mga otoridad nga ang maong granada kay naila nga Chinese Type 67, ug nakita usab sa kapulisan nga tinuod gayung gamit na gyud ang maong granada tungod kay hamis na kaayo ang kilid niini, samtang aduna na usab kini mga ‘dents’ tungod sa mga lansang kung asa 20 ka tuig nang gidokdok.
Komento sa ubang netizens, aduna usab diay prinsipyo ang granada, nga dili kini mobuto sa mga buotan og inosenteng tawo, sama ni Lola Quin.
