Gikumpirma sa Department of Justice nga nagpagawas na ang Manila City Regional Trial Court ug gag order sa kaso ni kanhi Negros Oriental 3rd District Representative Arnolfo Teves Jr.
Sumala sa DOJ, gibawalan na ang kampo sa DOJ ug Teves nga mag-istorya o magpagawas ug pahayag nga adunay kalabotan sa mga kasong gipasaka sa kanhi magbabalaud nga adunay kalabotan sa pagpatay kang Negros Oriental Gov. Roel Degamo ug siyam nga uban pang indibidwal.
Gipaklaro ni Justice Assistant Secretary Atty. Mico Clavano, ang gag order nagabawal sa mga abogado, managlahing kampo ug mga testigo sa usa ka pending case nga maghatag sa ilang komento.
Kahinumduman, gikan sa Negros Oriental Court gimando sa Korte Suprema nga ibalhin ng pagdungog sa Degamo slay case sa Manila RTC subay usab sa hangyo sa DOJ.
Makaangkon usab ug ‘closed doors discussion’ ang DOJ kabahin sa maong isyu.
