Kasagaran ang mapriso o mamulta mao ang mga tawo nga mangawat, mangurakot o makahimog ubang eskandalo, ug uban pang krimen.
Pero nahimamat ba nimo ang tawo nga gipasakaan og kaso tungod kay wala siya moadto sa iyang uyab?
Morag gamay lang nga butang, apan mao nga gitapos sa magtiayon ang ilang relasyon sa kapin sa unom ka tuig sa New Zealand ug naabot pa sa korte ang ilang away.
Kini nga reklamo gisang-at sa Disputes Tribunal o mas naila nga smaller claims court o dili kaayo pormal kon itandi sa korte tungod kay dili kini modawat sa mga reklamo nga dili igo nga igo aron masulbad dayon.
Walay mga abogado ug mga maghuhukom dinhi, apan usa ka tribunal referee ang gitawag aron sa pagpataliwala tali sa duha ka mga kampo.
Ang reklamo naggumikan sa wala pagtuman sa lalaki sa iyang saad nga dad-on ang iyang uyab sa airport tungod kay gibiyaan siya sa eroplano.
Naghilak ang uyab kay ni-concert siya kauban iyang mga barkada. Miingon siya nga ang iyang uyab nakalapas sa ilang verbal contract”.
Kini tungod kay sumala pa niya, dihang iya kining gitultolan sa iyang plano miyango usab kini, nagpasabot nga nisugot kini nga atimanon ang balay ug duha ka iro samtang wala ang pangasaw-onon.
Tungod kay nasipyat ang babaye sa iyang flight, iyang gidugang ang bayad sa laing flight pagkasunod buntag. Gidala usab niya ang iyang mga iro aron dili na siya magsalig sa iyang uyab, ug nagbayad pa siya og ekstra alang sa serbisyo sa shuttle sa airport.
Bisan sa ilang bakasyon niadtong Disyembre 2023, nakahinumdom pa ang babaye ug nibutang usab sa legal nga dokumento nga siya ang nagbayad sa plete sa lantsa mao nga iya usab nga gikuha ang bayad sa iyang uyab.
Sa ulahi, gibasura sa tribunal ang kaso tungod kay matud pa, aron mapasakaan og kaso ang usa ka tawo kinahanglan nga duna siyay “intention to create a legally binding relationship.”
“Ang mga kauban, higala ug kauban naghimo sa sosyal nga mga kahikayan, apan dili sila mahimo nga ligal nga ipatuman gawas kung ang mga partido maghimo usa ka aksyon nga nagpakita sa usa ka katuyoan nga mabugkos sa ilang mga pasalig,” sumala sa desisyon.
“Kung ang mga higala dili motuman sa ilang mga saad, ang laing tawo mahimong mag-antus sa pinansyal nga sangputanan apan dili sila mabayran sa pagkawala.”
Sumala sa referee sa tribunal nga si Krysia Cowie, ang kinaiya sa pasalig mao ang normal nga paghatag ug pagdawat sa usa ka suod nga relasyon.
“Sa akong nakita nga ang mga partido naghimo sa ilang kasabutan sa konteksto sa ilang panaghigalaay, si CL wala nagpakita nga siya adunay katungod sa mando nga iyang gipangita ug ang iyang pag-angkon gibasura,” sumala sa desisyon nga gi-isyu niadtong Marso apan bag-o lang gipahibalo sa publiko
