GENERAL SANTOS CITY – Gipirmahan nilang Gensan Mayor Lorelie Pacquiao ug LTFRB XII Regional Director Paterno Reynato Padua ang Service Contract Agreement tali sa gobyerno sa Heneral Santos ug Land Transportation Frachising Regulatory Board nga gipahigayon sa Oval Gymnasium kagahapong adlawa, Abril 15, 2024.
Ang service contract agreement usa ka kalampusan sa pagpatuman sa PUV Service Contracting Program sa tumong nga maghatag ug panginabuhi-an ug oportunidad sa mga transport workers.
Tumong usab niini aron mapakusog ang kalidad sa public transportation, ensakto, dali kasakyan, ug seguridad sa mga pasahero.
Naa sa maong aktibidad si City Administrator Atty. Franklin Gacal Jr., mga konsehal nga silang Dominador Lagare Jr. Ug Jonathan Blando, City Engineer Emerald Signar, ug mga myembro sa kooperatiba sa syudad.
