GENERAL SANTOS CITY – Migahin ug P100,000 nga reward ang LGU Gensan sa makahatag ug impormasyon kalabutan sa paglugos ug pagpatay sa syete anyos nga si Princess Arriane Cabucos.
Kini human mag usa ka bulan na nga nalubong ang syete anyos nga batang babaye nga gi-lugos ug gipatay sa Barangay Conel ning syudad apan hangtud karon walay nakasuhan ang Police Station 9.
Kini ang pagkumpirma ni City PNP Director Police Col. Nicomedez Olaivar Jr. sa ekslusibo nga pakighinabi sa Bombo Radyo.
Matud ni Col. Olaivar nga naghulat na lamang nga mugawas ang examination sa DNA human nasumite ang kapulisan ug specimen didto sa PNP Crime Laboratory sa Camp Crame.
Sumala niini nga dugay nga mapagawas ang resulta apan ila kining paabuton tungod proseso kini aron masiguro gayud ang ilhanan sa mihimo sa krimen.
Kung mugawas na ang DNA anha pa mukuha ug sampling sa person of interest aron matudlo nga may kalabutan sa paglugos ug pagpatay sa nahisgutang biktima.
