GENERAL SANTOS CITY – Pormal ng gikasuhan sa Department of Environment and Natural Resources ang duha ka vlogger nga mihimo pagdaug-daug sa duha ka Philippine tarsier sa kasagbutang bahin sa Maligo, Polomolok South Cotabato.
Kini human nagpagawas ug pahibalo si Atty. Alex Alicer ang Executive Director sa DENR 12 nga ila ng gikasuhan ang mga vlogger nga silang Ryan Parreno ug Sammy Estrebilla sa pagsupak sa section 27 paragraph (f) ug paragraph (h) sa RA 9147 kon wildlife act of 2001 in relation to section 20 paragraph (a) ug pararaph (b) sa RA 7586 as ammended by RA 11038 kon expanded National Integrated Protected Area system.
Matud ni Director Alicer nga nagpahigayon ug evaluation ang ilang buhatan sa nag viral nga video gamit ang account ni farm boy nga adunay krimen nga nahitabo pinaagi sa pagsupak sa probisyon sa RA 9147.
Gikadugang nga ang pagpasaka nila ug kaso batuk sa duha ka vlogger aron dili na mausab ang pagdisturbo sa mga endagered specie. Nanawagan usab nga tabangan ang DENR nga mapreserba ang wildlife species ug ang kinaiyahan.
