GENERAL SANTOS CITY – Kinasing-kasing nga gipasalamat ni retired Brigadier General Jimili Macaraeg ang tanan nga nakauban sa iyang karera isip myembro sa Philippine National Police.
Atol sa iyang retirement speech kagabii, wala niini napugngan nga mahimong emosyonal.
Matud pa niya nga dili masukod ang iyang kalipay tungod nakita niini ang kooperasyon sa iyang mga sakop sa rehiyon dose lakip ang mga nagkadaiyang opisyales sa mga lokal nga panggamhanan sa rehiyon, mga negosyante, ug miyebro sa media.
Gani gipasalamat usab niini ang bombo radyo Gensan sa paghatud ug mga balita kung asa wala matud pa niini nasinatian nga nakabati ug fake news.
Sa iya matud pa nga pagretiro makauban na niini ang iyang pamilya nga panagsa lang mahitabo sukad nga nahimong direktor sa police regional office 12.
Kahibaloan nga dungan sa iyang pag retiro, mao usab ang pagsulod ni police brigadier general Percival Augustus Placer nga maoy bag-ong modumala sa rehiyon.
Si Placer ang Director sa Philippine National Peace Process and Development Center una na destino isisp director sa region 12 base sa kamanduan ni PNP Chief General Benjamin Acorda Jr.
