GENERAL SANTOS CITY – Gibisita sa lokal nga gobyerno sa Heneral Santos ang Bureau of Jail Management and Penology Female Dormitory kagahapong adlawa aron bisitahon ang mga persons deprived of liberty alang sa usa ka outreach program sa pagpanguna sa City Population Management Office ug sa Gender and Development Technical Working Group, kauban ang Soroptimist International of General Santos City ug Supreme General Lady Eagles Club nga nanghatag ug hinabang sa mga babaye nga persons deprived of liberty.
Gawas niini nahatagan usab ug tagsa ka hygene kits ang nahisgutang mga PDL.
Apil usab sa maong kalihukan ang Integrated Bar of the Philippines sa paghatag ug libre nga legal consultation sa pipila ka PDL nga gipangunahan sa Executive Assistant to the Mayor Atty. Nikki Kristine Catolico, Atty Dina Mae Alconera, Atty Mygie Florez ug Atty Dona Ann Balboa.
Ang naasoy nga aktibidad ang apil sa selebrasyon sa Women’s Month niining tuiga nga may tema nga “Lipunang Patas sa Bagong Pilipinas: Kakayahan ng Kababaihan, Patutunayan.
