GENERAL SANTOS CITY CITY – Mukapin 150 ka mga buntis ang nakadawat ug “Buntis Kit” ug bugas atul sa selebrasyon sa 20th National Buntis Day nga gipahigayon sa Dr. Jorge Royeca City Hospital .
Matag usa nga gitimbaya ni Gensan Mayor Lorelie Pacquiao dungan sa pagtunol sa buntis kit nga kabahin sa pagsaulog sa Womens Month sa bulan sa Marso.
Unod sa mga Buntis Kit ang mga essential supplies nga magamit sa buntis sama sa diaper, alcohol, lotion, usa ka set nga baby clothes, cotton buds, baby wipes, ug sabon sa bata.
Atubang sa mga buntis gianunsyo ni Mayor Pacquiao nga makadawat ug financial assistance sa programang AICS.
Isip usa ka Inahan gibutyag sa Mayor ngadto sa mga buntis nga ampingan ang ilang gisabak tungod gasa kini sa kahitas-an ug posebli usa sa gibuntis maghatag ug pangalan ug kadungganan sa syudad.
Gawas sa bugas gidugangan sa Mayor ang kalingawan pinaagi sa “Tiktok Challenge”.kung asa nakadawat ug P2,000 ang 3rd place samtang P3,000 2nd place ug ang 1st place midawat ug P5,000 lain pang P2,000 sa best showdown ug P1,000 nga consolation prize.
Gipasalamatan usab ni Dr Ryan Aplicador Chief of Hospital ang gipakita nga suporta sa Mayor sa mga nagmabdos
