-- ADVERTISEMENT --
GENERAL SANTOS CITY – Patay ang usa ka chief intel sa Carmen nga kanhi na-assign sa Pikit Municipal Police Station human gipusil sa wala pa mailhing mga suspek.
Nahitabo ang maong insidente sa Diversion Road, Barangay Sinawal ning syudad alas 6:20 ang takna kagabii, Dominggo, Marso 10, 2024.
Sa pagpanubay sa mga otoridad, nailhan ang biktima nga si Police Corporal Ricky Gomez, anaa sa hamtong nga pangidaron nga kasamtangang nadistino sa Carmen, Cotabato nga kanhi na-assign sa Pikit Municipal Police Station isip Chief Intel.
Nahitabo ang maong insidente sa nasangpit nga lugar samtang sakay ang biktima sa iyang NMAX nga Motor.
Sa karun, padayon pa ang gihimong imbestigasyon sa kapulisan bahin sa maong krimen.
-- ADVERTISEMENT --
