GENERAL SANTOS CITY – Gimando ni City Director PCol. Nicomedes P. Olaivar Jr. ngadto sa Makar Police Station ang pagpahigayon og makuting imbestigasyon kalabotan sa duha ka nakaplagang patay nga tawo sa Sanitary Landfill sa Barangay Sinawal ning syudad .
Matud kang Police Captain Joseph Letigio, Deputy Chief of Police sa maong estasyon,alas 4:22 sa kaganihang kaadlawon dihang nakita ang mga biktima nga sa pagkakaron naa sa punerarya.
Sa pakighinabi sa Bombo Radyo kang PCol. Olaivar, aduna na silay nahipos nga lead nga magtumbok sa motibo sa krimen.
Nakaangkon og samad pinusilan ang mga biktima og narekober sa taga SOCO ang mga empty shells sa crime scene nga gitugyan usab kini ngadto sa PNP Crime Laboratory para sa ipahigayong pagsusi.
Sa iyang pamahayag nga posibleng gilabay lamang ang mga biktima sa lugar nga posibleng mga salvage victims.
Giila ang mga biktima nga silang Almisal Abisani, 21 taga Prk Mudia Labangal og wahab Tarim , 23 taga Olarte Labangal .
