GENERAL SANTOS CITY – Mas bug-at pa nga silot ang ipahamtang unya ni City Administrator Atty. Franklin Gacal kung adunay magreklamo nga fish vendor nga gipangilkilan ug isda sa mga nagbantay sa merkado publiko. Kini ang pahayag ni Atty. Gacal nga dili na magduha duha pa nga pahamtangan ug mas bug-at nga silot nga posible ikatangtang sa trabaho kung may negosyante nga magreklamo nga gipangayu-an ug unsa nga baligya diha sa merkado.
Kahinumduman nga giimbestigahan sa buhatan sa administrador ang nahitabo nga pagsumbagay sa usa ka job order ug market supervisor tungod sa isyu sa pagpangyu-an ug isda.
Aron nga dili mudako ang ilang bikil gibalhin na lamang ni Gacal sa bulaong terminal si Dominggo Apostol samtang nagpabilin sa palengke ang market supervisor nga si Mujahid Kudarat.
Nabisto ang maong isyu dihang giisyuhan ug tiket nilang market administrator Lito Esclamado ang usa ka striker nga fish vendor nga gagamitan ug dayaan nga timbangan.
Nasuko matud pa ang vendor ug didto nagsugod pagbutyag nga gipangayu-an ug isda sa empliyado nga taga palengke.
