GENERAL SANTOS CITY – Naaktuhan sa usa ka bana ang pagdula ug kalayo sa asawa human maabtan sulod sa panimalay sa gidudahang kabit .
Pasado alas kwatro sa kabuntagon gitoktok sa kapulisan ang panimalay sa suspek sa Olarte Espina Labangal nga nagresulta sa pagkadakop sa suspek ug asawa niini.
Matud ni Police Major Robert Fores, hepe sa Makar Police station nga midangop sa presento ang bana nga taga Apopong ning syudad human gialegar nga mikuyog sa laing lalaki ang iyang asawa.
Human matudlo ang lugar gilayon matud pa nilang giadtu-an ang dapit ug positibu ang giingon sa reklamante tungod nag-uban sa panimalay ni Alyas Ado ang asawa nga 38 anyos. .
Nabisto matud pa ang asawa dihang giingnan nga dili na mugamit ug condom tungod migamit na kini ug contraceptives.
Ang reklamante ang kapin bulan nga wala sa dakbayan tungod atoa sa Bohol nagtrabaho isip heavy equipment operator.
Nasuta nga ang babaye nagtrabaho nga liason officer sa usa ka construction firm dinhi sa syudad samtang ang giingong kabit usa ka barbero.
