GENERAL SANTOS CITY – Bisan pa sa mga pagmahay dili na mabuhi pa ang usa ka misis human napatay sa sumbag sa iyang bana.
Sulod sa selda sa kapulisan giangkon sa nagpangalan ug Virgilio Malera 57 anyos nga wala tuyoa ang nahitabo human gisumbag sa makadaghan ang iyang asawa nga si Nenita 40 anyos.
Mingitngit matud pa ang iyang panan-aw dihang mipauli sa ilang pinuy-anan ang asawa human iyang gigukod nakalabay nga adlaw kuyog sa usa ka lalaki.
Iya matud pang nadakpan ang asawa sa kapinyahan kuyog sa usa ka lalaki samtang naggunitay ug kamot hinungdan nga gigukod. .
Dihang mipauli sa ilang balay sa Purok uno Landan , Polomolok iya matud pang gisudyaan apan gisumbag kini ug naigo sa baba hinungdan nga mibalos ug gisumbag ang asawa.
Wala matud pa niini namatikdan nga naigo sa makusog nga kinumo ug lipong na samtang iya pang ginasumbag. Ulahi na lamang namatikdan nga wala na maglihok ang biktima tungod patay na.
Misulay pa kini ug sibat apan nasikop gihapon sa mga otoridad. Kaso nga reckless imprudence resulting to homecide ang atubangon nga kaso sa suspek.
