REGION 12 – Gidayeg ni PBGen. Jimili Macaraeg, ang Regional Director sa Police Regional Office 12 sa Law Enforcement Operation, tungod sa pagkasikop sa daghang most wanted person sa nagkalain-laing krimen gikan Mayo 22 hangtod Mayo 27, 2023.
Atol sa usa ka semana nga operasyon, ang PRO 12 mihimo og kinatibuk-ang 59 ka mga operasyon nga gitumong sa pagdakop sa mga most wanted nga indibidwal nga adunay outstanding warrants.
Sa 59 ka operasyon, 4 niini ang most wanted persons nga giklasipikar sa regional level, 1 sa provincial level, 6 sa city/municipal level, 2 sa station level, ug 46 ka laing wanted nga indibidwal ang nasikop.
Kini nga mga operasyon sa kapulisan nga miresulta sa pagkasikop sa mga most wanted persons, nagpakita sa dili matarug nga pasalig sa PRO 12 sa pagpatunhay sa kalinaw ug kahusay ug pagpanubag niadtong mga personalidad nga nakalapas sa lagda sa balaod.
