GENERAL SANTOS CITY -Padayon ang panawagaa sa mga tricycle drivers sa dakbayan nga i-proseso na ang mga dokomento aron nga maka-apply og prangkisa.
Matud pa ni Kag. Dominador Lagare, chairperson sa committee on transportation, nga dili na maglangay gumikan kung basehan ang pagtuon anaa sa 9,000 ka mga tricycle ang kinahanglan lang sa syudad.
Gibutyag nga anaa sa 30,000 ang tanang mga tricycle nga gabiyahe sa dakbayan.
Kahibaluan nga sukad pa sa miaging bulan nag-anunsyo ang syudad nga mag-isyu og prangkisa sa mga tricycle butang nga giawhag ang mga drivers nga mag-apply na.
Nasayran nga gikan 2009 hangtud 2021 anaa sa 7,441 ka prangkisa sa triycle ang giisyu sa dakbayan kung asa anaa sa 1,828 ang gi-renew og 5,613 ang expired.
Samtang kapin sa 1,200 ka prangkisa pa lamang ang gihangyo nga aprobahan.
Pwede nga matag tricycle driver ang magproseo sa ilang aplikasyon o kaha magpamiyembro sa kooperatiba. Kini gumikan kung miembro sa kooperatiba ang organisasyon na ang mag-asikaso sa mga papeles.
