GENERAL SANTOS CITY – Nasuta nga wala pa nakaagi sa Motorized Tricycle Franchising and Regulatory Board (MTFRB) ang hangyo nga 1,200 nga prangkisa alang sa traysikel.
Kini ang nasayran sa natigayon nga en banc committee hearing sa Sangguniang Panglungsod.
Ang maong pamahayag ang base sa tubag ni Engr. Myleen Gecosala sa Public Safety Office.
Matud pa ni Vice Mayor Rosalita Nuñez nga angayang musunod sa proseso ang tanan una nga tukion sa Sangguniang Panlungsod ang maong hisgutan.
Apan gihingusgan ni Kag. Jun Lagare, chairperson sa commmittee on transportation sa Sangguniang Panlungsod nga nahisgutan ang kalabutan sa paghatag og prangkisa sukwahi sa gibutyat atol sa en banc committee hearing.
Apan sa iyang pamahayag nga nahisgutan ang maong isyu una siya nagsumiti og resolosyon sa konseho
Nasayran nga gikan 2009 hangtud 2021 anaa sa 7,441 ka prangkisa sa triycle ang giisyu sa syudad kung asa anaa sa 1,828 ang gi-renew og 5,613 ang expired.
