DSWD 12 padayon gihapon ang pagpang apod-apod ug mga hinabang sa mga apektado sa bagyong Paeng

REGION 12 – Dili lamang mga family food packs,mga hygiene kit, og laing mga panginahanglanon ang gihatag sa Department of Social Welfare and Development kon DSWD 12 apan lakip ang cash sa mga biktima sa pagbaha sa ubang lugar sa Maguindanao Ang matag pamilya ang nakadawat og P5,000 cash.

Kahibaluan nga dili lamang taga Region 12 ang gitabangan sa maong ahensya apan nakatutok usab sila sa Bangsamoro Autonomuos Region in Muslim Mindanao kon BARRM.

Nasayran nga kapin sa P24 million na ang kantidad sa mga mga hinabang nga ilang nahatag sa DSWD 12 sa mga naapektuhan sa pagbaha tungod sa bagyong Paeng.

Mukabat sa 254, 727 ka pamilya ang apektado sa Region 12 samtang 214, 156 sa BARMM.