GENERAL SANTOS CITY – Dili dayon mutuo sa bisan unsa nga balita nga adunay package nga muabot samtang gipasidaan usab ang paglikay sa unsa mang notisya o imbitasyon nga gapangayo ug dakong pundo sa salapi.
Matud ni Police Col. Elmer Mora, ang labaw sa Regional Anti Crime Unit 12 nga uso na kaayo ang text scam, smishing, package scam ug uban pa gamit ang celphone.
Matud niini nga ang online scam usa ka pagpangilad nga kunuhay may magpadala o magpautang apan magpabayad ug processing fee.
Gikadugang ni Mora nga aduna usab estilo aron lang makapangilad o makapadala ug short messaging system.
Samtang anaa usab ang text message nga kunuhay midaog ug dagko nga kantidad sa salapi luyo nga walay giapilan nga raffle promo.
Panawagan niini nga dili basta mutuo kay usa kini ka matang sa scam, samtang panawagan niini sa publiko nga dili ihatag ang mga personal identity hilabi na sa social media aron dili mabiktima.
