GENERAL SANTOS CITY – Nagkinahanglan ug mga sapot nga masul-ob ang mga residente nga nasunugan sa Zone 6 Barangay Bula ning syudad.
Nagpabilin sa Barangay Gymasium ang dise otso ka pamilya nga nasunugan nga gilangkuban sa mga tag-iya ug balay lakip na ang mga renter .
Kini human nagbutang ang barangay ug lamesa aron didto dawaton ang mga hinabang nga gikan sa mga residente aron matabangan ang mga biktima sa sunog.
Ang mga kinahanglanon mao ang bugas, mga pagkaon, ug gamit alang sa mga kabataan human namatikdan nga kasagaran sa mga biktima sa sunog pipila ka gamit lamang ang ilang nakuha tungod paspas kaayo ang pagkatag sa kalayo.
Samtang pipila kanila ang anam -anam na nga namalik sa lugar ug nagpatindog balik sa ilang pinuy-anan . Kahinumduman kaniadtong Hunyo trenat sa kaadlawon kalit miulbo ang dakong kalayo sa lugar nga milamoy sa onse ka panimalay nga gikasunog apil sa mga kabtangan.
