GENERAL SANTOS CITY – Nagpahimangno si Dr. Jett Oco ang local IATF incident commander nga dili angayang magkumpyansa ang pubiko kalabutan sa covid-19 bisan paman nga mikunhod ang kaso sa nasampit nga balatian sa dakbayan .
Matud niini kinahanglan nga magpabakuna aron maprotektahan batuk sa maong virus.
Sa labing ulahing datos sa miaging Mayo 27, anaa na sa 863,787 ang katibuk ang naturukan sa syudad samtang anaa sa 398,074 o 74.13 percent ang nakaangkon ug first dose , anaa usab sa 399,205 o 74.35 percent ang naka avail sa single ug sa second dose.
Sa bahin sa mga senior citizens kon A2 category ang nakadawat ug first dose anaa sa 23,845 o 52.6 percent sa target population sa dakbayan.
Matud ni Dr Oco ang mga senior citizens nga aduna nay second dose anaa sa 25,635 o 56.76 percent sa katibuk-ang target population kung asa dili kini paigo ug layo pa sa target nga 70 percent aron nga ang dakbayan mapailawom sa alert level 1 hinungdan nga padayon ang ilang pag awhag sa publiko nga magpabakuna batok sa covid-1.
Gibutyag pa ni Dr. Oco nga nagpadayon ang vaccination sa mga Rural Health Unit sa dakbayan lakip na sa mga nagkadaiyang vaccination center human mitala lamang sa 66,117 ang nakadawat sa unang booster dose ug anaa sa 391 ang nakadawat sa second booster dose.
