Pagkuha ug hulagway sa balota, hugot nga gibawal

General Santos City | Gihingusgan ni Atty. Jay Gerada, election supervisor sa Comelec Sarangani Province nga hugot nga gidili sa mga botante ang pagkuha og hulagway sa balota.

Sa iyang pamahayag nga kung may cellphone angayang taguon sa bag og bawal gayod nga magkuha og hulagway.

Kahibaluan nga sa aktwal nga piniliay, ang botante ang mag-feed sa balota sa vote counting machine kon VCM.

Ang election sa Mayo 9, 2022 magsugod sa alas 6:00 sa buntag og mahuman alas 7:00 sa gabii.

Gipatas-an ang voting hours aron nga dili magpunsisok ang mga tawo sa polling centers hilabi pa nga adunay pandemya.