Nagpaklaro si Ben Claudio, presidente sa GenSan Chamber of Commerce and Industry nganong mibabag sila nga madugangan ang suhulan sa mga trabahante.
Matud pa ni Claudio nga wala pa nakarekober ang negosyo gumikan sa pandemic kay madugangan ang pondo nga kuhaon kanila.
Sa iyang pamahayag nga kung basehan ang mga palaliton sa GenSan itandi sa laing mga lugar wala kaayo nagtaas ang mga presyo.
Sa hisgutanan sa produktong petrolyo temporaryo ang pagsaka gumikan sa kagubot sa Ukraine og sa Russia.
Kahibaluan nga sa miaging semana may hearing nga gipahigayon ang Tripartite Regional Wages and Productivity Board kon RTWPB sa Rehiyon 12 ug gihisgutan ang pagtaas sa suweldo sa mga trabahante.
Nasayran nga sa Rehiyon 12 anaa sa P336 ang miniumum wage sa mga trabahante sa non-agriculture sector.
