Mukabat sa 16 ang bag-ong kaso sa COVID 19 ang natala sa Region 12 base sa labing ulahing report sa DOH – Center for Health Development Soccsksargen Region.
Samtang 21 ang bag-ong nakarekober og upat ang patay kung asa ang tulo ang gikan sa Polomolok, South Cotabato og usa sa Alabel, Sarangani.
Sa 16 ka bag-ong kaso, siyam ang gikan sa Sarangani, lima sa GenSan og duha sa North Cotabato.
Ang South Cotabato ang may labing daghang kaso sa COVID 19 nga anaa sa 22,160, kung asa 64 ang active cases og 826 ang patay. Ang GenSan ang may 17,807 ka kaso, 48 ang active cases og 631 ang patay.
Ang North Cotabato ang may 13,865 ka kaso, lima ang active cases og 664 ang patay. Ang Sultan 8,545 ka kaso, lima ang active cases og 251 ang patay.
Ang Sarangani ang may 7,944 ka kaso, 15 ang active cases og 197 ang patay. Sa katibuk-an adunay 70,371 ang COVID-19 confirmed cases sa SOCCSKSARGEN region kung asa 137 (0.19%) ang active cases, 67,633 (96.11%) ang recoveries og 2,569 (3.65%) ang COVID-19 related deaths.
