Apektado ang mga pinoy sa Sri Lanka sa natigayon nga economic crisis sa maong nasud.
Matud pa ni Bombo International Correspondent Jenny Verdillo nga gumikan sa kulang ang dolyar sa maong nasud dili makapalit og petrolyo og laing panginahanglanon.
Gumikan niini nagkulang ang supply og taas ang pila sa mga gasolinaha.
Lakip gikulang ang suplay sa LPG hinungdan nga migamit og uling sa ilang pagluto.
Gikadugang pa ni Verdillo nga kaniadto ang P25,000 nga suweldo sa mga OFWs sa Sri Lanka karon nahimong P15,000 na lamang gumikan sa pagkahagsa sa Sri Lanka rupee batok sa dolyar.
Samtang apektado usab ang mga taga Sri Lanka nga taas nga oras nga walay supply sa koryente.
Gumikan sa grabeng economic crisis nagresign ang 26 ka miyembro sa gabinete og ang katawhan ang nagpahigayon og halapad nga protesta ug gasinggit nga magresign sa pwesto ang ilang pangulo ug Prime Minister.
