Gitambagan sa Comelec GenSan ang katawhan nga pwede nila nga tanggalon ang mga campaign poster nga anaa sa pribadong area kung dili nila gusto.
Sa pamahayag ni Atty. Sittie Sharmaine Papandayan-Garangan nga katungod sa pribadong indibidwal nga magbutang og campaign posters sa ilang pribadong area apan kung may nagbutang og dili nila gusto ilang katungod usab nga pwede tanggalon.
Apila ni Atty. Garangan sa mga pulitiko og mga suporters nga sundon ang mga patakaran sa pagbutang sa mga campaign posters.
Nasayran nga sa dakbayan adunay kapin sa 60 ka mga common poster area nga pwede didto ibutang ang mga campaign posters.
Kahibaluan nga matag election nga mahitabo ang ubang mga supporters ang gabutang og campaign posters bisag asa og walay pagtugot ang ilang gihimo sa tag-iya sa mga pribadong area.
