GENERAL SANTOS CITY- Pagaaksyunan sa dakbayan sa Heneral Santos partikular na sa mga sakop sa Traffic Management Office (TMO ug Traffic Enforcement Unit (TEU) Gensan human sila nakadawat ug reklamo kalabutan sa padayon nga illegal nga terminal sa boundary sa Buayan ug Alabel Sarangani Province.
Matud kang Police Col. Dominador Palgan, labaw sa TEU nga may nadawat nga sulat gikan sa LGU ug nakalatid niini ang reklamo sa pipila ka mga transport sectors sa Sarangani Province kalabutan sa padayong pag operate sa iligal nga terminal sa nahisgutan nga lugar.
Kahinumduman nga dugay ng gisita sa mga otoridad ang pagbutang ug illegal nga terminal sa maong lugar.
Sa bag ong report nga nadawat nagbalik sa operasyon sa maong lugar.
Matud kang Palgan nga padayon ang ilang clearing operations ug magpadayon kini hangtod nga makaangkon ug disiplina ang katawhan sa dakbayan sa Heneral Santos ilabi na sa mga nagbutang ug illegal terminal sa bisan asa mang lugar nga wala gitugtan sa mga otoridad
