GENERAL SANTOS CITY – Patay nga nakaplagan ang pawikan sa bakawan sa Zone 6, Bula ning dakbayan.
Matud pa ni Sheryl Galo sa CENRO GenSan nga lakip nga ilang nakit-an ang 53 ka buok sa itlog sa pawikan sa maong lugar nga gituohan nga iya sa maong namatay nga sea turtle.
Gikadugang pa sa nasampit nga nangitlog ang pawikan sa maong lugar nga gituohan nga na-trap sa mga basura.
Ang itlog sa maong pawikan ang nadaut na usab tungod naabtan sa tubig kung panahon sa high tide .
Sa pamahayag ni Galo nga usa ka protected area ang maong bakawan sa Zone 6, Bula.
Kahibaluan nga daghan na sa mga pawikan ang nangitlog sa daplin sa kadagatan sa dakbayan.
Tungod niini hugot ang ilang information dessimination sa katawhan nga dili pasipalaan ang pawikan nga usa na ka endangered specie ning higayona kung asa mabilangg og magmulta ang makasupak sa balaod.
