GENERAL SANTOS CITY – Subli nga nanguna ang Sarangani Province nga tourist destinations sa tibook rehiyon 12 sa miaging tuig luyo sa nasinatian nga pandemnya.
Kini base sa gipagawas nga datos sa Department of Tourism asa mukabat sa 1,521,877 ang tourist arrivals nga natala sa Sarangani Province sa nakalabay nga tuig 2021 sa day tourist og anaa sa 169,772 ang night tourist.
Samtang sa datos anaa sa 4,152,772 ang day tourist sa tibook rehiyon 12 og 671,347 ang nag-overnight nga mga turista. Apan kung itandi sa miaging 2020 anaa sa 1,220,868 ang day tourist og 442,151 ang mga nag-overnight nga mga turista.
Sa day tourist ang ikaduha ang South Cotabato nga anaa sa 1,121,010 samtang ang ikatulo ang Cotabato Province nga ana sa 395,912 gisundan sa Sultan Kudarat 378,869, ikalima ang GenSan 375,758 visitors, Tacurong City anaa sa 78, 121, Koronadal City anaa sa 26,508 og Kidapawan City anaa sa 16,144.
