Malaumon si Chester Tan, Presidente sa National Federation of Hog Farmers Incorporated nga hingpit na nga nakontrola ang pagkatap sa African Swine Fever kon ASF sa dakbayan.
Matud pa ni Tan nga miaksyon gilayon ang City Veterinary Office sa dihang nagpositibo ang blood samples nga gikuha sa baboy sa Purok San Lorenzo Ruiz, Apopong ning dakbayan.
Matud niini nga kung wala napugngan ang pagkatag sa ASF maapektahan ang pag supply sa baboy sa Luzon og Visayas gumikan 90% ang gidala sa maong mga lugar.
Sa iyang pamahayag nga magpadayon ang pagpadala sa syudad og buhing baboy sa laing mga lugar base may negative test sa ASF.
Kahibaluan nga anaa sa 508 ka mga baboy ang gipailawom sa culling human nga nasuta nga nagpositibo sa ASF ang mga baboy sa nahisgutan lugar.
Kung dili makontrola dili lamang ang mga hog raisers ang maapektuhan apan ang tanan nga nalambigit sa hog industry.
