Nakagawas na sa selda sa Alabel Municipal Police Station ang driver sa elf truck nga nakaligis patay sa usa ka bata.
Matud pa kang Police Major Wesley Matillano, hepe sa Alabel Municipal Police Station nga kini gumikan naareglo ang kaso human nga nagbayad og P126,000 ang kampo sa driver.
Kahinumduman nga nahitabo ang insidente sa barangay gym sa Purok 1 Proper, Brgy. Paraiso, Alabel Sarangani Province.
Sa imbestigasyon nga naatrasan sa elf truck ang bata sa dihang nahuman na sa pagdiskarga sa gihatud nga mga construction materials.
Sa pamahayag ni Matillano nga gibilin sa inahan ang anak nga usa ka tuig sa otso anyos nga magulang samtang nangihi.
Base sa impormasyon sa kapulisan, wala namatikdan sa drayber nga si Renante Undray ug pahinante niini nga adunay bata sa likod sa ilang truck, hinungdan nga sa ilang pag atras ilang naligsan ang biktima.
