GENERAL SANTOS CITY – Hilabihan ka istrikto ang pagpatuman sa mga patakaran sa Singapore kontra sa COVID 19 ilabina karon nga adunay bahad sa omicron covid variant.
Matud ni Bombo International Correspondent Venus Gatan sa Singapore, gikansela na karon ang flights nga gikan sa ubang nasud apil ang Pilipinas, Germany, Indonesia , India, mga Southern African countries og uban pa nga may natala na nga Omicron.
Dili na usab gadawat og turista ang Singapore.
Gibutyag ni Gatan, naa sa 5% lang ang gitugutahan nga magtapok tungod sa patakaran nga angayang tumanon ang social distancing.
Gidugang usab niini nga kung madakpan sa kapulisan sa Singapore nga magtapok og sobra sa lima ka tawo magmulta og 1,000 Singaporean dollar kon naa sa P20,0000 ang matag usa.
