Gikumpirma ni Kapitan Eliseo Rock Garay sa Barangay South nga dili mahinayon ning adlawa ang ipahigayon unta nga ‘One Time Bigtime Clearing operation’ sa Central Public Market.
Matud pa ni Kapitan Garay, kini human nga nakigkita ang mga laray vendors sa iyaha sa barangay kung asa naglatag og mga sugyot ingon man ilang paghangyo nga magpabiin sa pagpamaligya sa maong lugar.
Gibutyag niini nga iyang gikonsidera ang hangyo sa mga laray vendors apan maglatag usab sila og mga polisiya human nga ilang ma-istodyuhon pagmaayo kauban si Public Administrator Lito Esclamado.
Kahibaluan nga gibanabanaang anaa sa 400-500 ka mga Laray vendors ang maapektuhan unta sa One time bigtime operation nga sugdan unbta ning adlawa.
Nasayran nga bisan asa na lamang nga bahin sa Cagampang St, Casquejo Street, Magsaysay Avenue, Santiago Boulevard og West Side Street namaligya sa ilang mga tinda ang mga laray vendors nga nakaapekto dili lamang sa dagan sa trapiko kun dili apil usab ang kita sa mga negosyanteng nagabayad sa ilang pwesto sa sulod sa palengke.
