Hugot ang pagbantay sa mga pulis sa Tokyo sa Japan aron masiguro nga malinawon ang olympics.
Matud pa ni Bombo International Correspondent Myles Beltran sa Tokyo nga bisag asang bahin sa maong lugar ilabi sa palibot sa olympic village daghang mga pulis ang nakabantay.
Gibutyag pa nga ang mga pulis gikan sa nagkadaiyang bahin sa Japan aron muabag sa pagbantay sa seguridad.
Samtang nakatutok ang OFWs sa performance sa mga atletang pinoy og dako ang ilang paglaum nga ning higayona makabaton na og gold medal sa olympics ang Pilipinas.
Gibutyag ni Beltran nga bisag sila gusto nga makit-an ang desensyo sa olympic stadium nga gipreparar alang sa maong quadrennial meet apan dili nila makit-an karon gumikan wala gitugtan ang publiko nga makasulod tungod sa bahad sa COVID 19.
