GENERAL SANTOS CITY -Nasuta nga 60% sa mga nagpositibo sa COVID 19 sa Sarangani Province ang mga asymptomatic og 40% ang may sintomas.
Matud pa ni Dr. Arvin Alejandro, provincial health officer sa Sarangani nga mas angayang palapdan pa ang ilang gihimo nga risk based targeted testing tungod mas mabutang sa peligro ang kinabuhi sa mga tawo.
Kini gumikan kung dili ma-detect nga may COVID 19 ang mga nasampit mas daghan pa ang matakdan.
Nasayran nga miusbaw og 350% ang kaso sa COVID 19 sa Sarangani Province gikan Mayo 1 hangtud karon human nga gipahigayon ang mas halapad nga risk based targeted testing.
Gihingusgan ni Dr. Alejandro, nga mahimong walay bili ang contact tracing kung dili gilayon ma-isolate ang usa ka closed contact sa positibo sa COVID 19.
Matud pa nga angayang sulod sa 24 oras angayang masayran kung kinsa ang closed contact sa usa ka virus positive og ma-isolate.
Kung dili kini mahimo dako ang posibilidad nga matakdan og virus ang mas daghang tawo.
Samtang lahion usab ang positibo og negatibo sa antigen test aron nga matutukan ang matag usa ka mga pasyente.
Sa pamahayag pa niini nga ang munisipyo sa Maitum, Alabel og Kiamba ang may daghang kaso sa maong virus sa Sarangani Province.
