GENERAL SANTOS CITY – Padayon ang pagsaka sa Covid-19 cases sa Soccsksargen human nga madugang kagahapon ang 269 nga bag-ong kaso.
Nasuta nga 251 ang nadungang nga nagmaayo sa sakit samtang napulo ang nadugang sa namatay.
Sa datos nga gipagawas sa DOH Center for Health Development Soccsksargen, gikan sa mga bag-ong nagpositibo sa sakit anaa sa 75 ang gikan sa Gensan, Cotabato Province-56, Sarangani 13, Sultan Kudarat 53 og South Cotabato 72 .
Samtang sa aktibong kaso, ang South Cotabato gihapon ang gapanguna nga may 1,103, GenSan may 670 active cases, Cotabato Province 659, Sultan Kudarat may 302 og ang Sarangani anaa sa 278 ang aktibong kaso.
Sa kinatibuk-an, 14,232 ang COVID-19 confirmed cases sa region 12, anaa sa 3,012 (21.16%) ang active cases, 10,792 (75.83%) ang nagmaayo sa sakit og 426 (2.99%) ang napatay sa COVID-19.
