GENERAL SANTOS CITY – Gikumpirma ni City Mayor Ronnel Rivera nga aprobado na ang pondo sa pagpadayon sa paghimo sa Calumpang Community Hospital nga nahimutang sa compound sa Acharon Sports Complex sa Calumpang ning syudad.
Nadesisyonan kini nga ipadayon gumikan kinahanglanon ang laing mga health facilities ilabi sa pandemnya. Kung hingpit nga mag-operate ang maong ospital makunhuran na ang pasyente sa sentro sa syudad ilabi sa Dr. Royeca Hospital.
Una niini gibutyag ni Engr. Emerald Signar, labaw sa City Engineers Office nga may kamanduan na gikan kang Mayor Rivera nga ipadayon ang maong balay tambalanan nga gigahinan og P125 million .
Nasayran nga nahimong kontrobersyal ang maong ospital nga gisugdan sa panahon ni kanhi Manyor Darlene Antonino kung asa gikwestyon ang pagpatukod niini.
