GENERAL SANTOS CITY – Hugot nga gitutukan ang Makar Police Station human nga nagpositibo sa COVID 19 ang 19 ka mga bilanggo.
Kini ang labing unang higayon nga may presint sa kapulisan sa syudad nga daghang mga bilanggo ang nagpositibo sa maong virus.
Daghan ang nakuratan sa dihang nasayran nga natakdan sa virus ang maong mga bilanggo.
Tungod niini hugot nga gipatuman sa General Santos City Police Office (GSCPO) ang mga protocols sa laing mga presinto sa kapulisan aron dili mausab ang maong panghitabo.
Sa pagpagawas sa profile cases sa COVID 19 sa maong mga piniriso may laing bilanggo sa Bula Police Station ang positibo usab sa maong virus.
Kahinumduman nga sa Bula Police Station unang natala nga may bilanggo nga nagpositibo sa virus ingon usab sa San Isidro Police Station apan walay natala nga susamang daghang kaso.
