GENERAL SANTOS CITY – Mukabat sa 18 katao ang nagpositibo sa Sars Cov 2 human mataptan sa pasyenteng B117 positive nga residente sa Barangay San Isidro ning syudad.
Kini ang gikumpirma ni Dr.. Jett Oco, labaw sa City Health Office.
Atol sa gipahigayong Media Forum on Covid-19 New Variant, gibutyag sa nasampit nga walo niini ang gikan sa 1st level contact ang nagpositbo sa sars cov 2, upat sa 2nd level, lima sa 3rd level ug usa sa 4th level contact.
Dugang pamahayag ni Dr. Oco, gikan sa walo nga nagpositibo sa 1st level, upat niini ang kumpirmadong Sars Cov 2.
Samtang sa 2nd level, adunay duha nga nagpositibo sa Sars Cov 2.
Nagpahigayon usab ug laing contact tracing sa mga nakahimamat sa mga nasangpit kung asa adunay usa ang nagpositibo kung asa gipadala na sa Philippine Genome Center sa UP aron makapahigayon ug genome sequencing.
Sa karon, adunay laing 16 ka mga pending result ang ginahulat sa IATF gikan sa mga close contact sa mga nagpositibo sa Sars Cov 2.
Giklaro ni Dra. Oco nga Abril 11 lang nila nadawat ang resulta sa swab test sa 58 anyos nga lalaki nga B117 positive.
Ang nasampit nga pasyente ang nakarekober na sa miaging Abril 12 sa dihang nagnegatibo na kini sa COVID-19 human kining subling gipailalom sa RT-PCR test.
